Публиката на Канскиот филмски фестивал беше воодушевена од музичката драма на шпански јазик „Емилија Перез“, во која една од главните улоги ја има пејачката и актерка Селена Гомез.

Филмот „Емилија Перез“, кој е на шпански јазик со Зое Салдана, Селена Гомез и Карла Софија Гаскон во главните улоги, ги доби едни од најголемите овации на овогодинашниот филмски фестивал во Кан, пишува „Вараети“.

За време на деветминутниот аплауз, Гомез ги бришеше солзите придружени со многу аплауз и овации. За време на овациите, режисерот Жак Аудиар мавташе со капата кон балконот додека ѕвездите Зои Салдана и Едгар Рамирез емотивно се прегрнаа.

Во ексклузивното интервју за „Вараети“, режисерот Аудиар го опиша филмот како оперско либрето во четири чина, при што актерската екипа пее оригинални песни за да го унапреди дејството.

Не беше првпат ниту за Салдана, ниту за Гомез да се искачат по познатите црвени скали до Големиот театар Лумиер, но тоа беше важен момент за Карла Гаскон, трансродов актер и ѕвезда во подем од Мадрид.