ФОТО+ВИДЕО | Револуционерна иновација: Млад научник на 14 години создаде сапун кој лекува рак на кожата
Четиринаесетгодишно момче е прогласено за најдобар млад научник во Америка затоа што создаде лесно достапен сапун кој лекува рак на кожата, пишува „Дејли мејл“.
Хеман Бекеле, кој е деветто одделение во средното училиште „ВТ Вудсон“ во Анандејл, Вирџинија се соочи со девет други финалисти на натпреварот „3М јанг саентист челинџ“ („3M Young Scientists Challenge“) за 2023 година и ја однесе главната награда од 25.000 американски долари.
Бекеле го создаде сапунот за борба против ракот на кожата со внесување на медицински сапун со три состојки за кои е откриено дека ги реактивираат дендритичните клетки кои генерираат имунолошки одговор во борбата против ракот.
Во видеото на Бекеле за конкурсот објаснува дека трите состојки, салицилна киселина, гликолна киселина и третиноин, се кератолитички агенси кои ги разградуваат надворешните слоеви на кожата.
Неговиот сапун не само што помага во борбата против ракот на кожата, туку Бекеле открил дека секое парче сапун чини само 0,50 долари, во споредба со повеќе од 40.000 долари кои се потребни за тековни медицински третмани.
„Ракот на кожата најчесто се наоѓа кај луѓе кои живеат во земјите во развој“, рече Бекеле.
Во текот на следните пет години, Бекеле се надева дека ќе ја усоврши оваа нова иновација и ќе создаде непрофитна организација која ќе го дистрибуира ова евтино решение до сиромашните заедници.