ФОТО+ВИДЕО | Посетителка случајно скрши скулптура вредна 42 илјади долари
Посетителка на Саемот за уметност во Мајами случајно ја скршила скулптурата „Куче од балон“ на уметникот Џеф Кунс, чија вредност е 42.000 долари, пишува „Гардијан“.
Инцидентот се случил при ВИП посетата на уметничката галерија „Арт Винвуд“, а некои колекционери мислеле дека се работи за перформанс.
View this post on Instagram
– Видов дека една жена стоеше таму, ја чукаше скулптурата, по што таа падна и се искрши на илјадници парчиња – рекол еден од присутните уметници Стивен Гамсон, објаснувајќи дека жената тоа го направила за да види дали е тоа вистински балон.
Скршената скулптура беше дел од познатата серија на Кунс „Кучиња од балони“. Овој уметник црпи инспирација од секојдневни предмети, вклучително и животни направени од свиткани балони, а неговите дела доведуваат во прашање што е ликовна уметност. Некои од нив се продадени за неверојатни 91 милион долари.
Скулптурите „Кучиња од балони“ се разликуваат по големина, па така најмалите не се повеќе од 30 сантиметри, додека најголемите се високи над три метри.
Друг посетител случајно снимил видео на кое се гледа како жена ја допира скулптурата, која набргу потоа се срушила и се скршила, а на видеото се слуша како некој вели: „Не ми се верува дека некој би ја урнал“.
Проценувачот на уметност во компанијата „Бел ер фајн арт“, Бенедикт Калух, рекол дека жената немала намера да ја скрши скулптурата и дека осигурувањето ќе ја покрие штетата.
View this post on Instagram