ФОТО+ВИДЕО | Полицијата упадна на Универзитетот Колумбија, уапсени околу 50 пропалестински демонстранти
Полицијата во Њујорк со дозвола од Универзитетот Колумбија упадна синоќа во универзитетската зграда Хамилтон хол заземена од активисти кои протестираат против војната на Израел во Газа.
Универзитет е лоциран во центарот на Њујорк во близина на Менхетн.
Полицијата упадна преку вториот кат од зградата со помош на поставена рампа и растури толпа од околу 200 активисти, по што пред влезот на Универзитетот дојдоа неколку полициски автобуси да ги транспортираат лицата кои беа уапсени за време на упадот.
“Police being here doesn’t mean we lost…it means we won in the most glorious way possible. This university offered us an empty deal. We did not concede. We did not fall for their bribes”
Columbia University encampment protester speaks on NYPD’s invasion on students. pic.twitter.com/kX8ZONWbXJ
— BreakThrough News (@BTnewsroom) May 1, 2024
Од извештаите се дознава дека се упасени десетици демонстранти, но и дека многумина од нив не се студенти. За време на упадот полицијата употребила шок-гранати.
Од Универзитетот изјавија „откако холот беше окупиран, вандализиран и блокиран, ние немавме друг избор“.
-Некаде кај 9 часот вечерва полицискиот оддел на Њујорк пристигна во кампусот по барање на Унверзитетот. Одлуката е донесена да се обнови безбедноста и поредокот во нашата заедница, изјавија од Колумбија.
„Си-ен-ен“ дозна дека администрацијата на универзитетот дозволила присуство на њујоршката полиција на кампусот до 17 мај, два дена по дипломската прослава на студентите од четврта година.
Columbia University right now pic.twitter.com/NfEJyKCYTJ
— Prem Thakker (@prem_thakker) May 1, 2024
Во повеќе универзитети во САД се одвиваат студентски протести со барања да се бојкотираат компаниите и лицата поврзани со Израел и неговата војна во Газа. Колумбија ги предводи овие протести откако пред две недели постави камп со шатори во дворот на оваа престижна високообразовна институција.
Раководството на Универзитетот по повеќедневни преговори побара растурање на кампот.
Претседателот Џо Бајден синоќа изјави дека демонстрациите треба да бидат мирни, а „насилно заземање на згради не е мирен протест, тоа е погрешно“.
#HAPPENINGNOW: @Columbia has requested our assistance to take back their campus, which has seen disturbing acts of violence, forms of intimidation & destruction of property. @NYPDnews is dispersing the unlawful encampment and persons barricaded inside of university buildings… pic.twitter.com/gQUzXDUlFe
— NYPD Deputy Commissioner, Operations Kaz Daughtry (@NYPDDaughtry) May 1, 2024