По повод 23 Октомври – Денот на македонската револуционерна борба, владина делегација составена од националниот координатор за интеркултурализам, едно општество, развој на културата и меѓуресорска соработка, Роберт Алаѓозовски и советникот за одбрана на премиерот, Драган Василевски, денеска положи цвеќе и оддаде почит на великанот Гоце Делчев пред неговиот споменик во Градскиот парк во Скопје.

Ковачевски: Борбата за слобода и придонесот на револуционерите за независна македонска држава е денешен мотив

Премиерот Димитар Ковачевски во честитката по повод денешниот празник посочи дека континуитетот на борбата за слобода и придонесот на револуционерите во реализирањето на вековниот идеал за независна македонска држава е денешен мотив, од Македонија да создадеме европска и напредна држава.

Во Македонија денеска се одбележува 23 Октомври, Денот на македонската револуционерна борба. На овој ден во 1893 година во Солун била основана Внатрешната Македонско-Одринска Револуционерна Организација (ВМОРО), со цел извојување автономија на Македонија преку револуционерна борба.

Македонија го одбележува 23 Октомври – Денот на македонската револуционерна борба