ФОТО | Жена провали во домот на Роберт де Ниро и сакаше да му ги украде божиќните подароци
Една жена е уапсена откако била фатена како, наводно, се обидува да ги украде божиќните подароци во домот на актерот Роберт де Ниро во Њујорк, објави „Би-би-си“.
Полицијата ја видела жената како влегува во подрумот на зградата и потоа пронашла траги на насилно влегување. Таа веќе ѝ била позната на полицијата по бројните апсења за грабеж.
Според американскиот медиум „Еј-би-си њуз“, 79-годишниот Де Ниро веднаш се симнал во пижама откако слушнал метеж.
Портпаролот на легендарниот актер изјави дека тој е добро и додаде дека обидот за грабеж се случил во домот што привремено го изнајмува.
Портпаролот на њујоршката полиција објасни дека полицајците ја следеле жената до станот и ја фатиле во дневната соба кога се обидувала да ги земе подароците кои биле под елката. Полицајците не знаеле дека актерот живее тука.