ФОТО+ВИДЕО | Ќе заминат од Америка доколку Трамп повторно победи на изборите – Светските ѕвезди се срамат од нивниот претседател
Рики Мартин, Брус Спрингстин, Џон Легенд и Криси Тајген се само некои од познатите лица кои изјавија дека ќе заминат од Америка доколку Доналд Трамп повторно победи на изборите, бидејки, како што велат, исцрпени се од срамниот начин на кој тој ја води земјата.
Многу ѕвезди се незадоволни и понижени од неговата работа и не би сакале тој да ги води и во следните четири години.
Брус Спрингстин (71) истакна дека ќе замине од својата земја доколку не победи Џо Бајден (77).
– Ако го избереме Трамп, а нема бидејќи предвидувам дека тој ќе изгуби, но доколку било како се случи тој повторно да победи, се гледаме на некое друго место, истакна Брус за странските медиуми. Вели дека ќе се пресели во Австралија. Рокерот не молчи за тоа колку не го поднесува Трамп, а минатата недела изјави дека на Белата куќа и е потребен егзорцизам.
Музичарот Томи Ли (58), основачот на бендот „Mötley Crüe“ раскажа дека ќе се пресели во Велика Британија доколку повторно победи Трамп. Тој кажа дека се срами од помислата што луѓето во Европа им се потсмеваат на Американците што имаат претседател како него.
Пејачот Рики Мартин (48) кој е голем симпатизен на Бајден, би ја напуштил земјата заедно со семејството доколку победи Трамп, но можеби и ќе остане и повторно ќе се бори, бидејќи како што вели, „поради некој несоодветен не може целата нација да страда“.
Славните сопружници, манекенката Криси Тајген (34) и музичарот Џон Леџенд (41) размислуваат да заминат од Америка. Тие велат дека се исцрпени од срамниот начин на кој претседателот Трамп ја води земјата.
Истото го кажаа и Мајли Сајрус, Челси Хендлер, Самјуел Л. Џексон и Ејми Шумер.
Раперката Карди Би на Инстаграм објави видео на кое пуши три цигари одеднаш плашејќи се од можноста Трамп повторно да победи на изборите.
View this post on Instagram
Џенифер Анистон преку социјалните мрежи покажа ги замоли своите следбеници да излезат на гласање и добро да размислат кому да му го дадат својот глас.
„Гласав за нив, зашто во моментов нашата земја е поделена повеќе од кога било претходно. Неколку мажи во рацете ја држат моќта на одлучување што можат жените, а што не со сопствените тела. Нашиот моментен претседател заклучи дека расизмот не е проблем. Во повеќе наврати јавно ги игнорираше проблемите. Премногу луѓе умреа. Се работи за иднината на оваа земја и на целиот свет“, напиша Џенифер во објавата.
View this post on Instagram
Актерката Шерон Стоун исто така не сака ниту да помисли дека постои можност Трамп повторно да ја предводи Америка.
Меѓу многуте ѕвезди кои очајно се плашат од победата на Трамп е и Лејди Гага, со која Трамп во последниве денови води медиумска битка сакајќи да го наруши нејзиниот кредибилитет.