Мостот „Око“ пред Архелошкиот музеј во Скопје е вандализиран со недолчни и вулгарни содржини против македонскиот народ, Македонија но и Србија. Испишани се пцовки на англиски јазик (Е*и се Србија, е*би Македонци“), а на одредени места потенцирано е „Косово“ и „УЧК“, „Албанија“. На мостот е испишана и закана на ангиски јазик „Македонци ќе ве убиеме“. Испишано е и името на еден од главните команданти на УЧК Адем Јашари.

Испишана со црн спреј е и фонтаната лоцирана централно на мостот „Око“ каде на албански е напишано „Сите сме со тебе Илирида“ и „УЧК“.

МВР веќе го документираше случајот и работи на негово расчистување.

-Во врска со графитите на мостот „Око“, добиена е пријава во СВР Скопје и се преземаат мерки за расчистување на случајот, кратко соопштија од Министерството за внатрешни работи за оваа провокација и за повтореното бескрупулозно уништување на пешачкиот мост кој ги користат граѓаните и туристите кои го посетуваат Скопје.

Екипата на „Слободен печат“ претпладнево ги фотографираше овие недолични написи и се уште немаше никаква реакција од надлежните градски комунални служби за нивно отстранување. По овој понов мост од проектот „Скопје 2014“ секојдневно поминуваат стотици граѓани, а реакциите за овој најнов вандалски чин врз овој мост се појавија на социјалните мрежи.

Во претходниот период беа само ичртани дел од натписите на спомениците од античкиот и средновековниот период од македонската историја, а некои табли беа и целосно откорнати и повторно уништени откако беа заменети со нови.

Вандалите досега не се откриени и во претходните случаи.

ФОТО/ВИДЕО: На двата пешачки моста останаа безимени скулптури, табличките исчезнаа, Град Скопје не реагира