Деновиве социјалната мрежа Твитер се возбуди и со наплив на негативни реакции го коментира одморот на познатиот актер Леонардо Дикаприо.

Имено, холивудската ѕвезда периодов беше актуелен со фотографии на социјалните мрежи од неговиот релаксирачки престој на јахта недалеку од островот Сент Бартс.

ФОТО | Леонардо Дикаприо и Камила Мороне не ги кријат страстите: Неколкуте килограми плус ништо не му можат

Тука „рипнаа“ корисниците на Твитер, кои го нарекоа Лео „лицемер“ затоа што покрај неговите заложби и активизам за спасување на природата, тој троши многу пари и гориво уживајќи на јахта.

Актерот е познат како голем поборник за заштита на природата, но корисниците на Твитер не мислат така – тие мислат дека тој не се придржува до она што го проповеда.

Активистот Дарен Грајмс напиша:

„Еве го амбасадорот на ОН за климатски промени Леонардо Дикаприо на суперјахта, од 110 милиони фунти и хелиодром и шест палуби. Ќе плови само 11 километри и ќе испушти нафта исто толку колку вашиот просечен автомобил за една година. Потсетете се на ова додека го гледате неговиот филм за климатската катастрофа“

Here’s UN Climate Change ambassador Leonardo DiCaprio aboard a 315ft, £110 million superyacht, complete with a helipad and six decks that spew out as much as your average car does in a year by sailing as little as 7 miles. Remember that as you watch his climate catastrophe movie. pic.twitter.com/jfSp95xXZa

— Darren Grimes (@darrengrimes_) January 10, 2022

Некои од коментарите одат и подалеку:

„Време е да престанете да го поддржувате Холивуд. Престанете да ги плаќате филмовите кои работат против вашите права и слободи!“

„Богатите снобови го прават ова, а јас треба да возам паметна кола, да штедам?“

„Каков лицемер, лаже“

„Значи климатските промени не се реални?“

The rich do not care about the environment. #USA #Canada WAKE UP! https://t.co/k9cYQyWkyW

— Diver (@Diver50326569) January 11, 2022

Леонардо Дикаприо неодамна го нарече еколошкиот проблем „најитната закана со која се соочуваме како човештво“, а потоа ги повика фановите да направат нешто во врска со тоа. Неговиот последен филм кој беше и предмет на многу контроверзни коментари, „Don’t look up“, исто така ја застапува потребата да се одговори на најитната закана со која се соочува светот.