Стадионот во Крива Паланка доби нов изглед, откако денеска и официјално беа пуштени во употреба новоизградените трибини со капацитет од 1.050 гледачи.

Од општината информираа дека со оваа инвестиција спортскиот комплекс дополнително се унапредува и постепено се развива во модерен спортски центар, наменет за користење од граѓаните од сите генерации.

Според информациите од локалната самоуправа, проектот чини повеќе од три милиони денари, а средствата се обезбедени од Министерството за спорт.

По повод завршувањето на работите, на социјалните мрежи беа споделени и фотографии од новите трибини, кои треба да обезбедат подобри услови за следење на натпреварите и спортските настани во градот.