ФОТО: Стадионот во Диселдорф на кој ќе играат македонските ракометари подготвен за спектакл и историја
Сѐ е подготвено за старт на 16 по ред Европско ракометно првенство во машка сениорска конкуренција кое ќе се одржи од 10 до 28 јануари во Германија.
Најдобрата македонска репрезентација е во групата „А“ заедно со Франција, Германија и Швајцарија. Првиот меч избраниците на селекторот Кирил Лазаров ќе го имаат на 10 јануари со почеток од 18.00 часот во Диселдорф.
А токму во „Меркур Шпил“ Арената, како што и најавија од Европската ракометна федерација (ЕХФ), ќе биде урнат светскиот рекорд за посетеност на ракометен натпревар.
Повеќе од 50,000 илјади билети се распродадени за првите два натпревари на ЕП кои ќе се играат на стадионот „Меркур Шпил-Арена“ во Диселдорф: Франција – Македонија (18.00 часот) и Германија – Швајцарија (20.45 часот).
Нашата селекција следните два меча од прелиминарната фаза ќе ги игра во „Мерседес-Бенц Арена“ во Берлин, на 14 јанаури против домаќинот Германија од 20.30 часот, и на 16 јануари против Швајцарија од 18.00 часот.
Првопласираните две репрезентации од секоја група ќе обезбедат пласман во главната рунда.