Навивачите на Фенербахче на синоќешниот натпревар од Евролига против Партизан возвратија со провокативна кореографија, како одговор на случувањата од првиот меѓусебен дуел сезонава во Белград.

На трибината кај ултрасите на турскиот гигант беше поставен транспарент со илустрација инспирирана од „Косовската битка од 1389 година“, проследена со порака на српски јазик: „Сите сте вие турски синови“. Потегот предизвика бројни реакции, особено ако се има предвид контекстот од ноември минатата година.

⚪️ Fenerbahçe Beko tribünleri, Partizan taraftarının ilk maçta açtığı pankarta cevap verdi;

“Hepiniz Türksünüz!” pic.twitter.com/dI8LJXpQCK

— SİYAH SANCAK (@siyahsancakx) February 25, 2026

Да потсетиме, тогаш приврзаниците на Партизан истакнаа кореографија со ликот на Милош Обилиќ како го убива османлискиот владетел Мурат. Случајот доби и дисциплинска разрешница од раководството на натпреварувањето.

Партизан беше казнет со 40 илјади евра, како и со условна мерка, намалување на капацитетот на салата на 80 проценти за еден домашен натпревар, со затворање на одредени сектори.

Што се однесува до самиот меч, Фенербахче во драматична завршница успеа да слави со 81-78 и да дојде до значајна победа пред својата публика.

ВИДЕО | Евролига: Партизан немаше среќа, Фенербахче до победа во неизвесна завршница