Две мечки упаднале во комбе со крофни, кое биле паркирано пред продавница во воена база на Алјаска.

Возачот обично не ја заклучувал вратата кога застанувал пред продавницата за да ги испорача крофните, но овој пат во возилото пристигнале непоканети гости.

Имено, мечката и едно од нејзините младенчиња ја доживеале отворената врата како „покана“ да влезат во комбето и да се почестат со крофните.

„Тие останаа во автомобилот најмалку дваесет минути“, изјави Шели Дино, менаџерка на продавницата во заедничката воена база Елемендорф – Ричардсон.

Two bears raided a Krispy Kreme doughnut van that was stopped outside a convenience store on an Alaska military base, feasting on doughnut holes before they were shooed away with sirens. https://t.co/vpiSM9vBnH

— The Associated Press (@AP) September 19, 2023

Мечките јаделе од крофните и ги игнорирале обидите на вработените да ги избркаат од возилото, раскажа Шели Дино, а сподели новинската агенција „Асошијетед прес“.

„Удрив по комбето, а тие не ни мрднаа. Слушнав како отвораат пакети и сѐ. Добив впечаток дека воопшто не им е грижа“, рече таа.

Бидејќи мечките немале намера да излезат од возилото, било повикано обезбедувањето во воената база и биле вклучени сирени за да ги исплашат животните, раскажа менаџерката.

Мечките на крајот излегле од комбето, душкале околу продавницата и се упатиле кон шумата.

Инаку, не било невообичаено да се видат мечки во оваа воена база, а и околу продавницата, но вакво нешто не се случило досега.