Титулата за најдобар град во светот ја понесе Сан Франциско, според анкетата на компанијата за медиуми и забава „Тајм-аут“. Тие направија листа на најдобри градови во светот во 2021 година, која се темели на мислењето на 27.000 анкетирани жители.

Во текот на истражувањето, биле рангирани ноќниот живот, рестораните и културните настани во секој град, како и чувството на заедница во секој град, што, според нив, е особено важно во пандемијата. Во истражувањето се вклучени и еко-иницијативите на градовите, посветеноста кон активизмот во градот, како и љубезноста и гостопримливоста на градот.

„Тајм-аут“ вели дека „ненадминливата комбинација на прогресивност, прифаќање и одржливост“ го стави Сан Франциско на првото место.

Овој град исто така го пофалија и поради неговиот одговор на пандемијата, бидејќи има и една од највисоките стапки на вакцинирани во САД. И среде карантинот, граѓаните најдоа начин да останат поврзани, а градските улици во моментов се налик на една голема забава на отворено.

На листата на 10-те најдобри градови во светот според истражувањето на оваа компанија се и Амстердам, Манчестер, Копенхаген, Њујорк, Монтреал, Прага, Тел Авив, Порто и Токио.

АМСТЕРДАМ

Фото: Профимедиа

МАНЧЕСТЕР

Фото: Flickr

КОПЕНХАГЕН

Фото: Flickr

ЊУЈОРК

Фото: Wikimedia/commons

МОНТРЕАЛ

Фото: Wikimedia/commons

ПРАГА

Фото: Wikimedia/commons

ТЕЛ АВИВ

Фото: Wikimedia/commons

ПОРТО

Фото: Wikimedia/commons

ТОКИО

Фото: Pixabay