Актерот Сашко Коцев со сопругата Смиљана Бундовска завчера дојде на премиерата на претставата „Страв и надеж“ во Македонскиот народен театар, во која тој ја игра една од главните улоги.

Иако често е под светлата на рефлекторите, Сашко овојпат имаше посебна поддршка од публиката – неговата сопруга. Двојката, која важи за една од најхармоничните на нашата јавна сцена, се појави во одлично расположение.

Бундовска дојде за да го поддржи својот сопруг во најновиот професионален предизвик, а по претставата се дружеа со пријателите и со колегите на коктелот.

Претставата е направена по текст на Франц Ксавер Крец, еден од најизведуваните живи германски драмски автори, чија комплексност се мери со делата на Бертолт Брехт. Претставата ја потпишува наградуваната белградска режисерка Татјана Мандиќ Ригонат, препознатлива по бескомпромисен театарски јазик.

Во претставата играат: Александар Микиќ, Тања Кочовска, Тони Михајловски, Никола Ристановски, Сашка Димитровска, Сашко Коцев, Дарја Ризова, Наталија Теодосиева, Дамјан Цветановски и Нела Павловска.

„Страв и надеж“ е драмска партитура составена од повеќе сцени, кои варираат околу една централна состојба: современиот човек турнат до работ на егзистенцијата. Ликовите живеат под притисок на невработеност, страв од губење работа, чувство на пониска вредност и постојана несигурност.

ВИДЕО ИНТЕРВЈУ | Сашко Коцев: Колку повеќе си дете, толку повеќе си уверлив и на филмското платно и во театарот