Британскиот премиер Риши Сунак истакна дека не му се допаѓа тоа што на новиот дрес на Англија променет е дизајнот на крстот на дресот на „Гордиот Албион“.

Компанијата „Најк“ ги дизајнираше дресовите на репрезентацијата на Англија за претстојното Европското првенство, место традиционалната црвено-бела боја крстот е офарбан во светло сина и виолетова боја.

Навивачите, бројни политичар и сегашни спортисти истакнаа дека се против таквата промена, меѓутоа според информациите на „Би-Би-Си“ во Фудбалскиот сојуз на Англија немаат намера да го менуваат дресот.

„Кога во прашање се знамињата и националните обележја дизајнерот не би требало да се меша, тие треба да бидат такви какви што се“, изјави „Сунак“ за „Би-Би-Си“.

Од американската компанија истакнаа дека боите се инспирирани од комплетот за тренинг кој го носеа репрезентативците на Англија во освојувањето на Светското првенство во 1966 година.

Дел од политичарите на Островот исто така бараа и да се намали цената на дресовите. Цената на оригиналниот англиски дрес изнесува 124.99 фунти, додека за деца е 119.99 фунти. Европското првенство ќе се одржи од 14. јуни до 14. јули во Германија, а Англија ќе игра во групата „Ц“ со Словенија, Данска и Србија.