Се проширува блокадата на патиштата кои водат кон реката Дошница на планината Кожуф, по зголемениот отпор против изградба на мали хидроцентрали на Дошница.

Активистите објавија дека сега е блокиран и патот од страната на Кавадарци.

„Во Гевгелија сме распоредени на неколку клучни локации и блокираме сите патишта кои водат кон нашата река. На сите одговорни им порачуваме: СИЛАТА Е ВО НАРОДОТ!“ порачаа од граѓанската иницијатива“ се вели во објавата.

Велат дека нема да се тргнат и да попуштат сè додека не се поништи дозволата за уништување на Дошница и не се повлечат сите машини од реката и планината.

Владата ја одложи изградбата на хидроцентралите за една година, што предизвика реакции во јавноста зашто не е укината целосно. Активисти и организации од цела Македонија секојдневно се собираат на местото викано Смрдлива Вода во знак на протест против најавата за изградба на хидроелектрани.

ВИДЕО | Протест за спас на реката Дошница: Нема да дозволиме најчистата река во Македонија да стане пустина!