Организаторите на најголемиот годинашен фудбалски настан, го промовираа официјалниот постер за Светското првенство што ќе се одржи во Соединети Американски Држави, Канада и Мексико.

Како што е веќе познато, ова ќе биде прв Мундијал во историјата што ќе се игра во три земји домаќини. Од ФИФА порачаа дека постерот ја доловува енергијата на турнирот, духот на заедништво и соработката меѓу нациите, како и возбудата што ја носи најважната фудбалска сцена.

Интересно е што за првпат официјалниот визуелен идентитет го создадоа тројца автори. Карсон Тинг од Канада, Минерва ГМ од Мексико и Хенк Вилис Томас од САД ги обединија своите креативни изрази за да изработат дело што ја симболизира глобалната страст кон фудбалот и моќта на спортот да ги спои луѓето ширум светот.

Светското првенство ќе стартува на 11 јуни, додека големото финале е закажано за 19 јули, кога ќе биде крунисан новиот светски шампион.