Долгогодишните пријателства секогаш имаат посебна магија, особено кога се исполнети со искреност, хумор и луѓе кои и по многу години знаат да уживаат во едноставните моменти. Токму таква атмосфера споделија познатите пријатели Мики Јовановски – Џафер, Џина Папас – Џокси и нивниот долгогодишен пријател Дарио, кои деновиве се собраа на опуштен муабет со чај и кафе.

Дарио на социјалните мрежи сподели фотографија од дружбата, а описот го напиша инспириран од нивните хитови и препознатливи музички приказни.

„Баш ни се погоди доволно сонце колку за три светови, па иако не беше Велигден, се собравме на чај и кафе… затоа што беше ептен прерано за дупла водка“, напиша тој во објавата, која веднаш привлече внимание.

Средбата помина во ведра атмосфера, исполнета со смеа, спомени и разговори кои, како што велат, најубаво се водат кога покрај себе имаш луѓе што те познаваат со години. Коментарите под фотографијата беа преполни со позитивни реакции за нивната енергија, харизма и пријателство кое трае со децении.

Очигледно е дека некои пријателства не ги менуваат ниту времето, ниту годините. Тројцата музичари од „старата школа“ и денес траат, а нивните хитови сè уште се омилени кај публиката.