ФОТО | Познати дами кои гордо го покажаа својот труднички стомак во бикини
Што се однесува до модата и начинот на облекување, постојат различни „правила“ и мислења, за тоа како жените треба да се облекуваат кога ќе достигнат одредена возраст, или се со прекумерна тежина или се бремени.
Но, се почесто многу познати дами, гордо ја покажуваат својата трудничка фигура во костим за капење, а нивните фотографии ви ги пренесуваме во продолжение.
Ешли Греам
Ешли Греам е една од најпознатите „плус сајз“ модели, а нејзината фигура често е предмет на бројни дискусии. За време на бременоста во 2021 година, Ешли често објавуваше фотографии во костим за капење на Инстаграм, истакнувајќи го трудничкиот стомак, а тоа предизвика различни реакции.
Кортни Кардашијан
Откако објави дека чека дете со сопругот Тревис Баркер, ѕвездата од Кардашијан, не престанува да го покажува трудничкиот стомак на социјалните мрежи. Таа пред неколку дена на својот Инстаграм профил објави фотографија од одморот на Хаваи, облечена во впечатлив розов костим за капење, кој ја откри нејзината трудничка фигура. Ова е прво заедничко дете за славниот пар, а и двајцата имаат деца од претходните врски.
Ријана
Ријана веќе за време на првата бременост на сите им стави до знаење дека нема намера да го крие трудничкиот стомак, а нејзините смели труднички комбинации предизвикаа лавина реакции. Пред неколку месеци, 35-годишната пејачка на својот Инстаграм објави неколку фотографии на кои позира само во танга, а обожавателите во коментарите и порачаа дека е „најубавата трудница на светот“.
Ен Хатавеј
Убавата актерка уште во 2016 година, со фотографија во бикини на Инстаграм објави дека го чека своето прво дете со сопругот Адам Шулман, а нејзината објава наиде на бројни позитивни коментари. Славниот пар е во брак од 2012 година, а заедно имаат две деца.
Хилари Даф
Aмериканскаta пејачка и актерка Хилари Даф во 2018 година, го покажа трудничкиот стомак, додека уживаше на плажа со синот Лука. Денес Хилари има три деца, а првиот син го родила во 2012 година, за време на бракот со хокеарот Мајк Комри. Таа сега е во брак со пејачот Метју Кома, со кој има две деца.