ФОТО | Полицијата објави фотографија од апсењето на Џастин Тимберлејк: Пејачот бил со крвави очи под дејство на алкохол

Фотографијата од апсењето на Џастин Тимберлејк / Фото: Handout / Getty images / Profimedia

Американскиот пејач Џастин Тимберлејк (43) вчера беше уапсен поради возење под дејство на алкохол, а сега е објавена и неговата фотографија од апсењето во полициската станица.

Да потсетиме, Тимберлејк пиел со пријателите во бар во пристаништето Саг, по што влегол во својот автомобил од марката БМВ, при возење удрил во знак за стоп и излетал од својата лента. Полицијата го запрела и го привела, а тој трипати одбил да направи алкотест. Според полицискиот извештај, пејачот не можел „правилно да ги следи упатствата“ и бил нестабилен во одењето.

Очите му биле „крвави и стаклени“, а според кривичната пријава, пејачот тврдел дека испил „само едно мартини“.

„Неговите очи беа крвави и стаклени, здивот му мирисаше на алкохолен пијалок, не можеше да го задржи фокусот, говорот му беше нејасен, одењето му беше нестабилно и падна на сите стандардни алкотестови“, се наведува во извештајот.

Тој се изјасни за невин и беше ослободен без кауција, но му беше забрането да вози во државата Њујорк на една година.

Фотографијата од апсењето на Џастин Тимберлејк / Фото: Handout / Getty images / Profimedia

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот