Ентони Кидис, фронтменот на бендот „Ред хот чили пеперс“ отсекогаш бил бунтовен млад човек кој го правел она што го сака. А дека тој дух го зачувал и денес, сведочат бројни ситуации од неговиот живот, врз основа на кои можат да се направат најмалку два филма. Сепак, она по што е особено познат Ентони се неговите бурни љубовни врски.

Ентони Кидис беше и останува вечен ерген. Калифорнискиот пејач е познат како голем заводник, а за многу негови авантури имавме можност да прочитаме во неговата автобиографија.

Сите знаат дека Ентони сака да привлекува внимание, како со својот впечатлив стил, така и со изборот на партнерки, што покажува и најновата фотографија што се појави на инстгарм профилот на бендот.

Имено, тие споделија фотографија на која Ентони (60) се бакнува со својата колешка Микаела Мулани Штраус (24), попозната по прекарот King Princess.

Описот на фотографијата вели дека љубовта победува.

Патем, таа е дел од предгрупата на бендот на нивната турнеја, и очигледно многу повеќе од тоа.