Ова се 10-те најбогати семејства во светот во 2021: Волтон „тежи“ 238,2 милијарди долари

Фото: Профимедиа

Порталот „Блумберг“ објави листа на најбогатите семејства во светот. Оваа листа опфаќа семејства од различни делови на светот кои се занимаваат со различни работи.

Првата генерација милијардери не е вклучена во оваа листа и нагласено е дека листата не е конечна, бидејќи постојат семејства чие богатство е распространето низ целиот свет и тешко е да се следи.

Првото место го зазеде семејството Волтон, чие богатство се проценува на 238,2 милијарди долари. Тие се сопственици на малопродажниот синџир „Валмарт“.

На второ место по богатство е семејството Марс, во чија сопственост е истоимениот бренд за слатки. Нивното богатство се проценува на 141,9 милијарди долари.

Потоа следува семејството Кох, чие богатство се проценува на 124,4 милијарди долари. Во сопственоста на ова семејство е истоимената нафтена компанија.

На четврто место е семејството Ермес, кое го поседува истоимениот бренд луксузни чанти. Поседуваат богатство од 111,6 милијарди долари.

По нив следува семејството Сауд, кое владее со Саудиска Арабија, а нивното богатство се проценува на 100 милијарди долари.

Семејството Амбани е на шестото место со богатство од 93,7 милијарди долари. Во нивна сопственот е конгломератот „Релианс“.

По нив следува семејството Вертхајмер, во чија сопственост е брендот „Шанел“. Имаат богатство од 61,8 милијарди долари.

Семејството Џонсон е на осмото место со богатство од 61,2 милијарди долари. Тие се сопственици на финансиската компанија „Фиделити инвестменс“.

Следува семејството Томсон, во чија сопственост е медиумската корпорација „Ројтерс“. Имаат богатство од 61,1 милијарда долари.

На десеттото место е семејството Боeрингер, кое е сопственик на фармацевтската компанија „Боeрингер Ингелхајм“. Нивното богатство се проценува на 59,2 милијарди долари.

Остатокот на листата е достапен на порталот „Блумберг“.

Видео на денот