Информативниот портал на албански јазик „Ина-онлајн“ објави фоографија од состанок што го држи министерот за надворешни работи Бујар Османи, на која се гледа шише со течност и црево за инфузија.

Министерот на фотографијата, која според порталот е направена минатата недела, е свртен со грб, а лево од него се гледа пластичното шише полно со некаква течност, кое виси на закачалка какви што се гледаат во болниците.

Не може да се заклучи дека Османи во моментот кога е направена фотографијата е приклучен на инфузијата, но тој го држи во раката цревото, кое е доволно долго за да стигне до фотелјата на која седи министерот.

Од МНР засега нема коментар или објаснување за фотографијата и за инфузијата во кабинетот на Османи.