Принцот Вилијам и принцезата Кетрин го имаа своето прво јавно појавување во Бирмингем, откако ги поминаа велигденските празници заедно со своите деца – Џорџ, Шарлот и Луи. Имено, кралската двојка ја прослави „различната култура на градот“, организирајќи настан за сопствениците на локалните бизниси, пишува „Хелоу“.

Принцот се појавил во опуштена, но соодветна модна комбинација на блејзер, кошула со отворена јака и панталони, додека принцезата носела плисиран бордо фустан од Карен Милен.

Принцот Вилијам и принцезата Кетрин прво го посетиле индискиот ресторан „Indian Streatery“, кој е долгогодишен семеен бизнис на семејството Шарма во центарот на градот, каде што помагале во кујната и се обиделе да приготват традиционални јадења од Индија.

Меѓу другото, тие рекле дека обожаваат кари и зачинета храна, но и дека нивните деца обожаваат индиска кујна.

Интересен момент бил кога принцот Вилијам, среде посетата, се јавил на телефонот на кој луѓето нарачуваат храна и ја примил добиената нарачка, преправајќи се дека е вработен во ресторанот.

Потоа, кралската двојка го посетила пабот и ресторан „The Rectory“, кој има богата и долгогодишна историја. Овој паб се наоѓа во квартот каде се произведува до 40 отсто од целиот накит направен во Велика Британија.

Принцот и принцезата се сретнале со претставници, вклучувајќи дизајнери, уметници и драматурзи, и ги слушнале нивните искуства за отворањето и водењето на нивните бизниси во градот.