ФОТО | Нови фотографии од чудовиштето од Лох Нес: 30 години ги чекав, највозбудлите досега!
Се појавија нови фотографии од змијоликото суштество за кое се тврди дека е чудовиштето од шкотското езеро Лох Нес, чие постоење никогаш не е докажано. Новите фотографии од митскиот ѕвер кој и понатаму ја интригира јавноста, особено британската, се оценети како „највозбудливите досега“.
Фотографиите, на кои наводно се гледа телото на ѕверот на површината на езерото, се направени уште во 2018 година, но биле чувани во тајност, бидејќи авторката се плашела од јавен потсмев.
Но, Чи Кели, која вели дека ги направила фотографиите и го видела суштеството како се движи со „изедначена брзина“, одлучила да излезе во јавноста по масовната потрага по митското чудовиште минатиот викенд. Снимките му ги покажала на Стив Фелтам, кој поминал повеќе од 30 години обидувајќи се да ја реши мистеријата, а кој ги опишал како најдобрите површински слики на Неси што некогаш ги видел, пренесува британски „Телеграф“.
Loch Ness monster ‘sighting’
Chie Kelly, a translator, took the photos in 2018 https://t.co/t1c5krFM5T pic.twitter.com/UQazyqhXw9— Codey369 (@Codeym369) August 31, 2023
Чи Кели, инаку преведувачка, рекла дека таа и нејзиниот сопруг Скот ја фотографирале областа по ручекот во Дорес Ин, на брегот на езерото, додека биле на семеен одмор на 13 август 2018 година.
„Само што со својот фотоапарат Канон ги фотографирав Скот и нашата ќерка Алиса, која тогаш имаше пет години, кога на околу 200 метри од брегот, движејќи се од десно кон лево со рамномерна брзина, се појави тоа суштество“, вели оваа 51-годишна жена.
„Повремено се вртеше. Ниту за момент не ја видовме главата или вратот. По неколку минути едноставно исчезна и не го видовме повеќе… Прво се запрашав дали е тоа видра или неколку видри, но никогаш не ја видовме главата и никогаш повеќе не се појави на површината. Правеше чудни движења на површината. Не слушнавме никаков звук. Ги имаше овие чудни форми под површината. Не можев да препознаам никакви бои – водата беше темна“, го опишува настанот Кели.
„Не можев точно да ја проценам должината, но двата дела што беа видливи беа помали од два метри заедно“, додала таа. „Не знам што беше тоа, но дефинитивно беше суштество – животно. Во тоа време не сакав да се изложувам на јавен потсмев со објавување на фотографиите… Отсекогаш верував дека постои нешто во Лох Нес. Има тука нешто необично, но не знам што е тоа. Она што го видов личеше на змија. Тоа дефинитивно беше суштество и се движеше“.
„Ова се највозбудливите површински слики (на Неси) што сум ги видел. Тие се токму такви слики што сакав да ги направам веќе три децении. Ретко е да се види нешто толку јасно на површината“, рекол Фелтам, кој ја убедил Чи Кели да ги објави.
Ќе се организира најголемата потрага по „чудовиштето“ од Лох Нес во последните 50 години
По повеќе од 50 години: Се организира најголемата потрага по чудовиштето од Лох Нес