Многу ѕвезди редовно одат под нож и им се менува речиси секој дел од телото, но најпопуларните операции на познати личности се лифтинг на лице, зголемување на градите и липосукција. Доли Партон и Шерон Озборн беа многу отворени за своите операции, но некои се обидуваат да ги сокријат. Ова се некои од светските ѕвезди кои имале најмногу пластични операции.

Шерон Озборн е во центарот на вниманието на медиумите во последните месеци поради употреба на лекови за слабеење, и отворено зборуваше за сите свои операции. Имала над 20. Шерон правела фејслифтинг, ботокс, зголемување на градите и неколку инјекции со филери, меѓу другите процедури за кои не сакала да зборува. Таа се покајала за фејслифтингот во 2021 година, велејќи дека тоа било најлошото нешто што некогаш го направила во животот.

Легендарната Шер не го крие фактот дека била „под нож“. Од почетокот на 80-тите до денес, таа била подложена на бројни процедури, вклучувајќи неколку лифтинг на лицето, липосукција, а поставила и импланти во образите.

Легендарната комичарка Џоан Риверс често зборуваше за своите операции за време на нејзините настапи. Таа почина во 2014 година. Риверс имала над 300 операции во текот на својот живот, како што потврдила во интервјуа. На настапите, таа се шегуваше дека имала 739 операции.

Актерот и поранешен боксер Мики Рурк беше подложен на реконструкција на лицето поради повредите што ги здоби во борбите. Подоцна бил подложен на толку многу операции што повеќе не личи на себе. Се вели дека бил „под нож“ повеќе од 30 пати.

Швајцарската милијардерка Џоселин Вилденштајн, позната како „жената-мачка“, потрошила над четири милиони долари на пластични операции. Таа почина на Нова Година. Нејзината авантура со козметичките процедури започнала додека сè уште била во брак со Алек Вилденштајн. Тој имал обичај да коментира дека Џослин се однесувала кон нејзиното тело како кон парче мебел и дека постојано барала начини да го поправи.

Пејачката Доли Партон, исто така, не се противеше да зборува за козметичките процедури што ги имала. Таа не го откри точниот број, но медиумите сугерираат дека имала над 15 процедури. Партон вели дека неколку пати ги зголемила градите, направила лифтинг на лицето, инјектирала ботокс и други супстанции во лицето и користела филери.

Донатела Версаче често се наведува како пример за претерано пластична хирургија. Експертите тврдат дека таа имала најмалку 30 операции, но таа никогаш не го потврдила точниот број. Италијанската дизајнерка толку драстично промени делови од своето лице што многумина заборавија како изгледала порано.

Карди Би вели дека не се кае за операциите што ги имала. Пејачката има направено над 10 процедури, вклучувајќи зголемување на градите и задникот, и иако точниот број на операции е непознат, таа е меѓу ѕвездите со најмногу корекции.

„Кралот на поп-музиката“ Мајкл Џексон претрпел бројни операции во текот на својата кариера, што често го правело предмет на медиумско внимание. Починал во 2009 година. Џексон имал неколку операции на носот, ја променил бојата на кожата, а лекарите го измениле и изгледот на неговата брада. Имал над 50 процедури на лицето, но точниот број на други операции е непознат.