ФОТО | „Многу сум благодарна што сум жива“: Алиша Кис за „влакно“ се спасила од светот на дрога и проституција

алиша кис
Алиша Кис / Фото: Принтскрин/Инстаграм

Алиша Кис го прослави својот 41 роденден, а во описот на фотографиите кои ги објави на својот инстаграм-профил ги воодушеви нејзините обожаватели.

„Роденден ми е! Многу сум благодарна што сум жива! Благодарна сум за сите што ме изненадија синоќа со маестрално изненадување. Ме направивте толку среќна! Испраќам голема љубов за секоја роденденска желба, молитва и сета убава енергија што ми ја испративте досега! Чувствувам сè! Вчера цел ден немав поим што се случува или што доаѓа. Сега навистина не знам што да очекувам! Знам едно, ја славам секоја секунда затоа што животот е премногу скапоцен за да губиме време! Ве обожавам!“, напиша музичката дива во описот на фотографиите.

 

View this post on Instagram

 

A post shared by Alicia Keys (@aliciakeys)

Седмиот студиски албум во нејзината кариера беше објавен пред неколку дена. Иако во својата успешна кариера има освоено 15 Греми награди и е горда мајка на две деца која досега има продадено 35 милиони албуми и 30 милиони синглови, оваа роденденска порака многумина ги потсети на тешкиот живот на Алиша.

„Јас сум личноста која не требаше да успее. Требаше да завршам како проститутка, млада мајка на 16 години или зависник од дрога. Јас сум токму таа која требаше да се најде на погрешно место во погрешно време“, изјави таа во едно неодамнешно интервју, осврнувајќи се на маките на Афроамериканците во американското општество, особено на жените.

 

View this post on Instagram

 

A post shared by Alicia Keys (@aliciakeys)

Единствената Алиша призна дека нејзината музичка кариера ја спасила од пеколниот свет на дрогата, проституцијата и лошиот живот. Таа пораснала во озогласениот њујоршки кварт „Hell’s Kitchen“, кој во тоа време бил познат по бизнисот со проституција. Кис тврди дека била сведок на тажни човечки приказни уште од мала.

Таа се проби на музичката сцена во 2001 година со синглот „Fallin`“, со кој ги освои светските топ листи, но Алиша вели дека никогаш не заборавила од каде доаѓа.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот