ФОТО | Мишо Ковач го слави 84-тиот роденден: Новата фотографија од легендарниот пејач со ќерката ги израдува сите!
Легендата на хрватската музика Мишо Ковач, го слави својот 84-ти роденден. По тој повод ќерката Ивана Ковач му посвети трогателна објава на социјалните мрежи, а обожавателите на Миша ги израдува и со неговата нова фотографија.
Препорачано
„Среќен ти роденден, татко мој… полн со Божји благослов и мир во срцето“, напиша Ивана.
Двајцата позирале насмеани од уво до уво, а Мишо во коментарите добил мноштво роденденски честитки и убави желби.
View this post on Instagram
Таткото и ќерката позирале во истите изданија и на фотографијата што Ивана ја објави пред околу два месеци. Тогаш таа го потпишала и фотографот во описот, а иако ги ставила само иницијалите Л. К., многумина заклучиле дека станува збор за сопругата на Мишо, Лидија Ковач.
View this post on Instagram
Лидија е третата сопруга на Мишо. Тие се запознале на еден од неговите концерти во 1998 година, а се венчале во 2002 година. Мишо често истакнувал дека Лидија му била спас по бројните животни проблеми, а таа открила како меѓу нив се разгорела љубов на прв поглед.
Мајката на Ивана и поранешна Мис тин Југославија, Анита Батурина, била втора сопруга на Мишо. Тој се оженил со неа во 1973 година, во 1975 година го добиле синот Еди, а во 1977 година ќерката Ивана. Нивниот брак се распаднал откако Еди починал во 1992 година, а официјално се развеле во 1977 година.
Прва сопруга на Мишо Ковач била Љубица Комадина, со која бил во брак неколку години на почетокот на 70-тите.
Неодамна беше објавено дека снимањето на биографскиот филм за Миша Ковач, под работен наслов „Мишо“, треба да започне кон крајот на летото. Продуцент на филмот е Вања Сремац, сценариото го потпишува Милана Влаовиќ Ковачек, а ќе го режира Винко Брешан.
