Руските амбасади и конзулати ширум европските градови и надвор од континетот во текот на денешниот беа место на протести. Илјадници граѓани со сино-жолти знамиња протестираат во знак на поддршка на Украина и против руската агресија на оваа држава која започна рано утрово по наредбата од Путин да се нападне Украина.

Додека руските воени сили од копно и воздух удираа на Украина и на главниот град Киев, илјадници граѓани во европските престолнини излегоа да го изразат своето незадоволство од почетокот на нова војна на европско тло.

Се протестираше во Париз, италијанските градови Рим, Торино и Неапол.

Протести во Шпанија, Португалија и тоа во Лисабон и Порто.

Полјаците, но и Украинците кои живеат во Полска излегоа пред руските конзулати во Вроцлав и Познан.

Се протестираше и во Копенхаген, Хаг и Франкфурт.

На Балканот во Романија, Бугарија, Хрватска и Албанија.

Протести во знак на солидарност со Украинците и со апели за запирање на војната имаше во Њујорк каде стотици граѓани на овој космополитски град маршираа низ Тајмс Сквер кон руската амбасада.

И Израелците протестираа споредувајќи го Путин со Хитлер, а инвазијата со „фашизам кој мора да запре“.

Протести против руската инвазија на Украина се одржаа и во големите руските градови како Москва и Санкт Петербург при што полицијата интервенираше и уапси илјадници демонстранти.

ФОТО: Антивоени протести низ Русија, полицијата уапси над 700 лица