Португалецот Луис Нани на 38 годишна возраст објави крај на неговата кариера во која најдлабока трага остави во Манчестер јунајтед.

Последен клуб во кариерата на Нани беше Амадора од неговата татковина за која одигра десет натпревари и постигна еден гол.

„Време да се збогувам, одлучив да ја завршам кариерата. Ова беше неверојатно патување и благодарен сум ви на сите. Мојата кариера траеше повеќе од 20 години и ми остави навистина многу спомени, време е за нови соништа. Се гледаме наскоро“, објави Нани.

Од Нани не заборави да се прости и Манчестер јунајтед кој објави фотографија од неговата препознатлива послава со салто со порака: „Ти благодарииме Нани, уживај во пензијата“.

Покрај Манчестер јунајтед и Амадора, Нани во кариерата го носеше дресот уште на: Фенербахче, Валенсија, Лацио, Венеција, Орладно, Мелбурн Виктори и Адана Демирспор.