Македонската претставничка Нела Манческа ја освои евровизиската публика уште на првиот чекор на големата сцена во Тбилиси, Грузија. Младата пејачка ја одржа својата прва проба за детската Евровизија, каде што ја изведе песната „Miracle“, композиција со која годинава ќе нè претставува пред Европа.

Фотографиите и видеата од пробата покажуваат импресивна сценска визија: светлосни ефекти, бои што пулсираат со ритамот на песната и изглед инспириран од митолошка божица, со што нашата талентирана ѕвездичка доби бројни пофалби уште пред почетокот на натпреварувачката вечер.

Од официјалниот профил на музичкиот натпревар не го криеја воодушевувањето.

„Таа направи евровизиската сцена да изгледа магично утрово“, напишаа тие.