Фудбалската федерација на Македонија официјално ги промовираше новите дресови на националниот тим, изработени во соработка со „Адидас“, во рамки на програмата „UEFA Kit Assistance Scheme“.

Домашната варијанта ја задржува препознатливата црвена боја, надополнета со жолти детали распоредени низ целиот дрес. Гостинската гарнитура, пак, доаѓа во бела основа со дискретни сиви квадрати како дизајнерски елемент.

Инаку, федерациите вклучени во оваа програма имаат пристап до специјализираната „Locker Room“ услуга на „Адидас“, која овозможува креирање на уникатна и прилагодена спортска опрема според потребите на тимовите.