На Сљеме во Хрватска вчера беше одржан меѓународен полициски натпревар, а во него победи Македонец, припадник на САЕ „Тигар“.

На натпреварувањето како што информираат од МВР учествувале натпреварувачи од: Словенија, Чешка, Црна Гора, Хрватска, па така македонскиот претставник победата ја однел во исклучително силна конкуренција.

„Потврда за подготвеноста на македонската полиција – Припадник на САЕ „Тигар“ најдобар во велеслалом на меѓународен полициски натпревар Припадник на Специјалната антитерористичка единица „Тигар“ при министерството за внатрешни работи го освои првото место во дисциплината велеслалом на меѓународниот полициски натпревар во скијање на Сљеме, Република Хрватска, на 25.02.2026 година, за што Министерството за внатрешни работи ја информира јавноста.

Остварениот резултат претставува потврда за високото ниво на подготвеност, професионалност и посветеност на припадниците на Министерството за внатрешни работи, како и достојна афирмација на државата на меѓународен план. Министерството за внатрешни работи упатува честитки до припадникот на САЕ „Тигар“ за постигнатиот успех, изразувајќи уверување дека и во иднина ќе продолжи со вакви врвни резултати и ќе биде пример за професионалност и спортски дух“, стои во соопштението од МВР.