12.8 C
Скопје

ФОТО | Мајките што не можат да се грижат за бебињата може да ги остават тука: Белгија одобри поштенски сандачиња за напуштени новороденчиња

Контроверзната идеја за згрижување на напуштени бебиња од улица, неодамна заживеа и во Белгија. Во Брисел е одобрена инсталацијата на таканареченото „поштенско сандаче за напуштени бебиња“, сè со цел бебињата што ги оставиле нивните мајки, да бидат безбедни се додека властите не ги згрижат.

Колкупати досега сме чуле дека новороденче било оставено на улица, покрај контејнер и дека починало затоа што никој не го нашол на време… Со цел да се избегнат таквите страшни случки, невладината организација Корвија во Белгија предложила решение. Имено, тие добија дозвола во Брисел за таканаречените поштенски сандачиња за напуштени бебиња. Идејата е дека мајките, кои поради која било причина не можат да го чуваат своето бебе, можат да го остават анонимно во таа кутија.

Фото: Safe Heaven Baby Box

Како функционира?

Мајката, т.е. лицето што го напушта бебето треба да ја притисне вратата на кутијата, во која има топол тепих. Покрај местото се наоѓа плик со уникатен предмет, со кој подоцна мајката може да го најде бебето, доколку таа сака. Исто така, постои опција мајката да остави некои лични информации.

Фото: Safe Heaven Baby Box

Благодарение на алармот за предупредување, лицето што е задолжено за згрижување на бебето се известува веднаш штом мајката ќе замине, а вратата автоматски се затвора додека не пристигне тоа лице.

Веднаш се повикува лекар кој треба да ја провери состојбата на бебето, а се известуваат и други надлежни служби.

Фото: Safe Heaven Baby Box

Контроверзната иницијатива наиде на многу критики, но авторите на невладината организација велат дека целта не е да се охрабрат мајките да остават повеќе бебиња, туку да им се даде можност на мајките безбедно да ги остават своите деца, пишува EuroWeekleyNews.

Забраната издадена од поранешниот градоначалник, Пјер Мајле, беше поништена од Државниот совет, а поштенските сандачиња за напуштените бебиња се очекува официјално да бидат отворени на почетокот на октомври.

Слични вакви сандаци за оставање бебиња за првпат беа инсталирани во Антверпен, Белгија, и тоа пред 20 години, додека во САД се инсталирани околу 100 вакви системи во Флорида, Индијана, Охајо, Аризона и Арканзас.

Фото: Safe Heaven Baby Box

Планот на иницијативата „Бебешки кутии-Безбедно небо“ на американската организација е да се намали бројот на смртни случаи на бебињата оставени на улица.

Поврзани вести

Марина Туцаковиќ за болеста и што најмногу ја боли: Порано ми се јавуваа, сега…

Слободен печат

НАТО подготвува нова стратегија за зајакнување на одбраната од Русија и Кина

Слободен печат

Стокхолм со зелена визија – забрана за бензинците и дизелашите

Слободен печат

Синот на Ратко Младиќ најави ревизија на пресудата

Слободен печат

ЧУДЕСНИ ЖЕНИ | „Бев како брод загубен во густа магла“: Животната приказна на неповторливата Хелен Келер

Ј.К.Д.

Видео l Голем пожар во Ерусалим

Слободен печат

Остави Коментар