Патниците вчера се соочија со големи доцнења и откажувања на линиите во шпицот на најпрометната железничка станица во Шкотска, откако лебед беше пронајден на шините на станицата во Глазгов. „Нетворк Реил“ вчера соопшти дека птицата се качила на горниот дел на станицата
Глазгов Централ околу 17:49 часот и била заглавена на шините, објави „Скајњуз“.

„Се работи за лебед кој се заглавил на шините на станицата Глазгов Централ. Услугите до и од оваа железничка станица се прекинати, но возовите сè уште возат со намалена брзина“, се вели во соопштението на железничкиот оператор, заблагодарувајќи им се на сите за нивното трпение.

18:03. A photograph of the culprit. 🦢

Our team are still working to keep services moving and move the swan out of harm’s way.

Again, we thank you for your patience whilst we deal with this and get services back on time ASAP.@AvantiWestCoast @ScotRail @TPExpressTrains pic.twitter.com/IruVKWhdjz

— Network Rail Scotland (@NetworkRailSCOT) October 27, 2025

„Тим специјалисти е испратен на местото на настанот и работи на отстранување на лебедот од шините што е можно поскоро“, се додава во соопштението.

„Нетворк Реил“ објави фотографии од „виновникот“ по 18:00 часот, додавајќи дека тимовите „работат за да се осигурат дека услугите нема да бидат прекинати и дека лебедот ќе биде отстранет на безбедно место“. Во 18:30 часот „СкотРеил“ објави дека птицата е отстранета.

„Имаме добри вести. Лебедот е спасен, отстранет од зоната на станицата и транспортиран на безбедно место. Малку е вознемирен, но добро се опоравува. Ви благодариме за трпението, го цениме тоа“ порачаа од железничката станица.

По околу три часа, беше објавено дека „прекинот на железничките услуги на Глазгов Централ е завршен“.