ФОТО | Инфлуенсерката Софија Јанева се вери: „Кога помислив дека животот со тебе не може да биде подобар, се случи ова“
Софија Јанева, меѓу најследените Македонки на Инстаграм, и нејзиното момче Виктор започнуваат ново поглавје од нивната љубовна приказна. По долгогодишна љубовна врска, нејзиниот партнер романтично ја запроси познатата блогерка на зајдисонце.
Младата инфлуенсерка на својот Инстаграм профил, објави неколку фотографии од романтичниот момент, заедно со својот сакан.
Според фотографиите направени на локацијата со еден од најубавите погледи, кај браната Козјак, може да се забележи како заљубениот пар со насмевки и прегратки ја прославуваат љубовта и новото поглавје во нивниот заеднички живот.
Среќната Софија, која позира со букет црвени рози и црвени и бели балони во рацете, гордо го покажува вереничкиот прстен.
По објавата, заљубениот пар доби честитки од голем број јавни личности, колеги и пријатели, меѓу кои и инфлуенсерките Стефанија Несторовска и Александра Шијаковска.
Инаку Софија има 29 години и живее и работи во Скопје. По професија е дипломиран економист, а во слободно време ги споделува своите авантури и патувања на нејзиниот блог „Аdventures with Јaneva“ и на социјалните мрежи, каде има над 30.000 следбеници.