Неколку илјади навивачи на Арсенал бараат оставка и заминување на сопствениците на „топчиите“.
Тие се собраа пред „Емирати“ стадионот за да го искажат својот став од неодамнешната одлука на сопствениците да бидат дел од 12 екипи кои ја формираа Суперлигата. Навивачите се гневни на челниците на клубот, а пред се на сопственикот Стен Кренке.

„Сакаме да си оди Кренке, сакаме да ни се врати Арсенал“ е една од паролите кои ги извикуваат навивачите на Арсенал.

Протести организираа и навивачите на останатите пет англиски клубови кои ја формираа Суперлигата, а потоа поради големиот притисок се откажаа од истака.

The scene outside the Emirates tonight with thousands of Arsenal fans calling for owner Stan Kroenke to go.#ARSEVE pic.twitter.com/RoTfXXH8XX

— Everton FC News (@LivEchoEFC) April 23, 2021

Ова не е прв пат навивачите на Арсенал да бараат заминување на американскиот газда Стен Кренке, за кого сметаат дека го интересира само профитот, а не резултатите.

На протестите реагираше директорот на клубот Џош Кренке чиј татко Стен е сопственик на клубот.
– Можеби некои ќе бидат скептични на моите зборови, но вонаредниот период планирам да воспоставам однос на заемна доверба со нашите навивачи и да им покажам дека сме способни да се грижиме за клубот во иднина. Не прашуваат како ја донесовме одлуката за Суперлигата, а јас на сите им велам дека размислувавме само за едно прашање: Што е полошо, Суперлига или Суперлига без Арсенал? Одлучивме дека втората опција е многу полоша за нас – изјави Џош Кренке.