Оскаровката Гвинет Палтору (51), застапничка за алтернативна исхрана и основач на компанијата „Гуп“, студените денови ги замени со високите температури во Мексико. Актерката го поминува декември на плажа во бикини, пишува „Њујорк пост“.

Гвинет Палтроу во последните пет години во неколку наврати беше предмет на дискусии на социјалните мрежи и медиумите поради нејзината неконвенционална исхрана, пристап кон животот и изјавите кои ја заинтригираа јавноста.

Актерката е фотографирана заедно со пријателка додека шетала на плажа, а нејзиниот сопруг подоцна во текот на денот е фотографиран на кајак.

Гвинет пред четири години изјави дека живее со нејзиниот сопруг Бред Фалчук ​​четири дена во неделата, а тој оди во неговата куќа останатите три.

„Сите мои пријатели кои се во брак мислат дека начинот на кој живееме е идеален и не треба да го менуваме“, рече Палтроу во интервју за „Стајл“, додавајќи дека за овој потег добила „амин“ од нејзините наставници за интимност и дека тоа ги одржува свежи во врската.

Во едно од претходните интервјуа таа откри дека на овој начин се обидуваат да ги одржат односите меѓу членовите на семејството на завидно ниво, но и да покажат почит кон децата кои ги имаат од претходните бракови.

Да потсетиме, 46-годишната актерка до 2014 година беше во брак со фронтменот на „Колдплеј“, Крис Мартин, а со него ги има 19-годишната ќерка Епл и 17-годишниот син Мозес.

Палтроу толку добро се сложува со Мартин, што до ден-денес тој има своја соба во нејзиниот дом.