Во понеделникот се одржа гала вечер под наслов „Грижа за жените“ која еднаш годишно ја организира луксузната групација „Керинг“. Меѓу познатите гости на настанот блесна и актерката Салма Хаек, чиј сопруг Франсоа-Анри Пино е извршен директор на групацијата.

Салма на престижниот настан дојде во тесен, проѕирен фустан со црни фалти и голем шлиц одзади. Таа со елегантниот фустан ги истакна своите облини кои нејзините обожаватели често ги фалат на социјалните мрежи. Модната комбинација ја комплетираше со впечатлив накит и црни потпетици.

Хаек им позираше на фотографите со насмевка на лицето и воопшто не се двоумеше да ги покаже своите атрибути. Во еден момент се сврте со грбот, па нејзиниот задник беше во преден план.

Инаку, на оваа гала вечер беше ријалити ѕвездата Ким Кардашијан, пејачката Кети Пери, свршеницата на сопственикот на „Амазон“, Лорен Санчез и многу други влијателни познати жени.

За потсетување, Салма неодамна наполни 58 години, а роденден го прослави со голем стил. Таа на Инстаграм објави неколку фотографии од својот летен одмор на кои ја покажа својата извајана фигура во бикини.

ВИДЕО | „Цензурирано“: Селма Хаек со секси танц ги збудали фановите