Општина Зелениково соопшти дека утрово, при активирање на пумпите за препумпување на отпадните води од Скопското Поле, во селото Таор била забележана појава на необична бела пена во голем обем. Пената се појавила во одводниот канал што се влива во реката Вардар, а препумпувањето ги опфаќа општините Гази Баба, Арачиново, Илинден, Петровец и околината.

„Општинските служби заедно со АД ‘Водостопанство’ излегоа на терен за увид и координација со надлежните институции за понатамошно постапување“, изјави градоначалникот Коста Маневски.

Земени се примероци од чудната пена, кои итно се испратени на хемиска анализа. Паралелно со тоа, општината поднела пријава до Државниот инспекторат за животна средина, кој треба да ја преземе натамошната контрола и мерки, информира градоначалникот.