ФОТО | Бијонсе, дали си тоа ти?: Пејачката непрепознатлива на премиерата на својот документарен филм
Познатата пејачка Бијонсе ја одржа премиерата на нејзиниот документарен филм „Ренесанса: Филм за Бијонсе“ во Америка, базиран на истоимената турнеја, која доживеа неверојатен успех.
На премиерата сите очи биле вперени во Бијонсе поради нејзиниот необичен изглед. Пејачката пристигнала во Беверли Хилс речиси непрепознатлива, со платинесто-руса перика, која за неа ја направил фризерот Нил Фарина. А, овој изглед го надополнила со сребрен фустан од „Версаче“, по избор на стилистката Шиона Турини, пишува „Дејли мејл“.
The ICONIC QUEEN @Beyonce 👑 pic.twitter.com/OtHLfsdXc3
— 𝐑𝐚𝐞 𝐏𝐚𝐫𝐤𝐞𝐫 (@RaeIrisParker) November 27, 2023
„Леле, таа е непрепознатлива!“, бил еден од коментарите на социјалните мрежи откако ја виделе Бијонсе.
На социјалните мрежи Донатела Версаче не пропуштила да ја пофали пејачката за нејзиниот изглед. Таа напиша: “…Ти си визија во ‘Версаче’. Ти си единствена. Еден од еден, број еден, единствен! Едвај чекам да го гледам филмот!…“
Бијонсе уште еднаш потврди колкава ѕвезда е, со тоа што не се појавила во театарот „Семјуел Голдвин“ сè додека не се затемниле светлата. И, се разбира, додека спикерот не им кажал на гостите дека фотографирањето и снимањето не се дозволени.
Гостите од А-листата како Иса Рае, Лизо и Жанел Моне морале да ги стават телефоните во чантите за време на 150-минутниот документарен филм.
Инаку, документарниот филм е направен по истоимената турнеја на Бијонсе, која ја одбележаа сценографии, кореографии и модни комбинации од 10 мај до 1 октомври оваа година. Нејзината прва станица беше Стокхолм, Шведска, а последна станица беше Канзас Сити во американската сојузна држава Мисури.