Познатиот српски инфлуенсер и фотограф Душан Петровиќ и неговата девојка Ема Лукетин, која исто така е инфлуенсерка, за Ноќта на вештерките се маскираа во Дејвид и Викторија Бекам, но не ни помислија дека нивната фотографија ќе го воодушеви и славниот фудбалер.

Инфлуенсерската двојка реши да се маскира во Викторија и Дејвид Бекам од денот на нивната венчавка, каде наместо во традиционалната бела боја, беа облечени во виолетов фустан и одело во иста боја.

„Бакнеж од Пош и Бекс“, напишаа Душан и Ема во описот на фотографиите на нивните инстаграм-профили.

Фотографијата за помалку од 24 часа над 40.000 лајкови, а го воодушеви и познатиот фудбалер кој реши да ја сподели на својот Инстаграм.

Инаку, Душан Петровиќ е еден од најпознатите домашни фотографи, кој има работено со најголемите имиња од домашната забавна сцена. Покрај тоа, тој е и успешен инфлуенсер и има сопствен бренд за облека.

Последните месеци вниманието го привлекува со својот емотивен живот поради врската со инфлуенсерката Ема Лукетин од Хрватска.