Во пресрет на големиот концерт „Срцевина“, култната македонска група „Архангел“ најави и нов видеозапис за песната „Дни оловни“, снимен во еден од најпрепознатливите урбани симболи на Скопје – опожарената шалтер-сала на Македонска пошта.

Денеска тие споделија ексклузивни кадри од снимањето, откривајќи дел од атмосферата на новиот проект.

„Пепелта на скопската Пошта и тежината на ‘Дни оловни’. Ексклузивни кадри од снимањето на новиот видеозапис на ‘Архангел’. Суровата убавина и урбаната меланхолија на опожарената шалтер-сала станаа совршена сценографија за оваа визуелна приказна“, стои во нивната објава на Инстаграм.

Видеозаписот, како што најавуваат, пристигнува наскоро.

Зад продукцијата стои „Наше Маало“, режијата е на Иво Антов, идејата и концептот ги потпишува Марко Стојановиќ, додека директор на фотографија е Кристијан Војдановски.

Да потсетиме, „Архангел“ ќе го одржи концертот „Срцевина“ на 13 јуни на стадионот на АРМ во Скопје. Специјални гости на концертот ќе бидат Васил Хаџиманов и неговиот бенд, како дел од новата музичка соработка меѓу Хаџиманов и фронтменот Ристо Вртев.