ФОТО | Адријана Лима во провокативно издание на фестивалот во Венеција: Достоинствено ги истакна облините
Познатата манекенка Адријана Лима со години е чест гостин на филмскиот фестивал во Венеција. Вчеравечер таа се појави во Мостра во интригантен црн фустан со блескави детали.
Славната Бразилка прошета по црвениот тепих на премиерата на филмот „The Killer“ во режија на Дејвид Финчер.
Покрај Адријана Лима на црвениот тепих се појавија и манекенката Роуз Бертам и телевизиското лице Хофит Гуран. Настанот сѐ уште се одржува и покрај штрајкот на холивудските актери и сценаристи, кој започна пред неколку месеци, па покрај бројните филмски детали, од Венеција пристигнуваат и модни приказни.
Адријана Лима позираше во фустан со широки ракави и потесен долен дел. Провокативноста на нејзиниот фустан дојде до израз кога се сврте, а задниот дел го откри нејзиниот гол грб и видливата долна облека, што дополнително беше нагласено со кројот на самиот фустан.
Познатата манекенка се обидува да го пронајде модниот стил кој најмногу и прилега во моментов. Лима им пркоси на критиките и испраќа порака дека се чувствува заводливо во сопствената кожа и успешно го докажува тоа.
Адријана Лима позираше на црвениот тепих заедно со Алберто Барбера, директор на 80. Филмски фестивал во Венеција.