Формула 1: Луис Хамилтон е блиску до договор со „Ферари“
Седумкратниот светски шампион во Формула 1, возачот на „Мерцедес“, Луис Хамилтон е блиску до договор со „Ферари“, за кој би можел да вози од 2025 година.
Како што објави денеска шпанскиот „АС“, 39-годишниот Британец сака да биде во тим кој би можел да му обезбеди конкурентен болид за освојување на рекордната осма шампионска титула пред да му заврши кариерата.
Претходните години се шпекулираше дека Хамилтон може да се пресели во „Ферари“, а во „Мерцедес“ се зборуваше дека тоа се само гласини. Минатата година британскиот возач го продолжи договорот со „Мерцедес“ до 2025 година.
BREAKING: Lewis Hamilton will join Ferrari for the 2025 season 🏎️pic.twitter.com/O9nKwt5fFe
— Sky Sports News (@SkySportsNews) February 1, 2024
Во последните две години Хамилтон нема постигнато ниту една победа во Формула 1, чиј рекорд е 103 победи.
„АС“ објави дека Карлос Саинц ќе го напушти Ферари на крајот на сезоната, бидејќи преговорите за продолжување на соработката пропаднаа. Тој е единствениот возач, кој не бил од тимот на „Ред Бул“, кој победил минатата сезона во Формула 1, на трката во Сингапур.
Хамилтон би возел во „Ферари“ заедно со Шарл Леклер, кој има повеќегодишен договор со славниот италијански тим. „Ферари“ последен пат ја освои титулата во конкуренцијата на возачите во 2007 година.