Шефицата на Европската комисија, Урсула фон дер Лајен, ја поздрави најавата на Трамп за замрзнување на царините.

„Последната одлука на Трамп означува важен чекор кон стабилизирање на глобалната економија“, нагласува таа. „Јасните, предвидливи услови се од суштинско значење за функционирањето на трговијата и синџирите на снабдување“, рече таа во изјавата за Икс.

Таа додаде дека царините се давачки кои само им штетат на бизнисите и на потрошувачите. „Ова е причината зошто јас цврсто го поддржувам договорот за нулта царина меѓу Европската Унија и САД“, продолжи тој.

I welcome President Trump’s announcement to pause reciprocal tariffs. It’s an important step towards stabilizing the global economy.

Clear, predictable conditions are essential for trade and supply chains to function.

Tariffs are taxes that only hurt businesses and consumers.…

— Ursula von der Leyen (@vonderleyen) April 10, 2025

„Европската Унија останува посветена на конструктивни преговори со Соединетите Држави, со цел да се постигне мазна и взаемно корисна трговија. Во исто време, Европа продолжува да се фокусира на диверзификација на трговските партнерства, ангажирајќи се со земји кои претставуваат 87% од глобалната трговија и ја споделуваат нашата посветеност на слободна и отворена размена на стоки, услуги и идеи“, додаде Фон дер Лејен.

„Конечно, ги засилуваме нашите напори за отстранување на бариерите на нашиот единствен пазар. Оваа криза разјасни едно: во време на неизвесност, единствениот пазар е сидрото на нашата стабилност и отпорност. Мојот тим и јас ќе продолжиме да работиме дење и ноќе за да ги заштитиме европските потрошувачи, работници и бизниси. Заедно, Европејците ќе излезат посилни од оваа криза“.