Филипинката Хидилин Дијаз освои историски златен медал за својата држава во кревање тегови и го прекина периодот од дури 97 години колку што оваа држава чека на злато на Олимписките игри.

Нејзините сонародници се воодушевени од успехот на Дијаз која за својот успех ќе биде богато наградена.
Како награда за златниот медал освоен на Игрите во Токио, Хидилин Дијаз ќе добие 33 милиони пезоси, или околу 550.000 евра.

Исто така Дијаз од компанијата за недвижнини „Мегаворлд“ која е во сопственост на милионерот Ендрју Тан, ќе добие стан во Иствуд сити, луксузна населба во градот Квезон сити.

– Овој епси момент се чекаше 97 години и ова е наш начин да и се заблагодариме на Хидилин која не направи сите горди – изјави претставникот на конпанијата, Кевин Тан.

Олимписката шампионка ќе биде наградена со уште еден стан и тоа во главниот град, Манила.
Хидилин Дијаз го освои златниот медал во кревање тегови во категоријата до 55 килограми и тоа со подигнати 224 килограми, што претставува нов олимписки рекорд.