Филипче: Врвен експерт од Србија ќе врши промена на полот, трошоците ќе бидат на сметка на Фондот
Од пред неколку месеци врвен експерт од Србија е на расолагање на трансџендер хирургија за операции на сметка на фондот, изјави денеска министерот за здравство Венко Филпче кој присуствуваше на Национална конференција за „Унапредување на правата на ЛГБТ заедницата во Северна Македонија“, организирана од Министерството за труд и социјална политика и во соработка со Советот на Европа и по повод првата Парада на гордоста што ќе се одржи задутре во Скопје.
Министерот нагласи дека операциите за промена на полот отсега ќе бидат на товар на Фондот за здравство, а нема да се плаќаат приватно како досега. На Универзитетската Клиника за урологија ќе биде отворен и оддел за реконструктивна урологија и андрологија.
– Тие интервенции кои досега се плаќаа приватно ќе се прават на клиниката за детска хирургија – објасни Филипче.