„Треба да се вакцинираат двојно повеќе луѓе од оние што досега се вакцинирани, за да постигнеме колективен имунитет“, рече министерот за здравство, Венко Филипче.

Досега се вакцинирани околу 450 000 граѓани, од кои 270 000 се и ревакцинирани.

„Најголем опфат има во поголемите градови, околу 30 проценти во Скопје, 40 во Битола и Охрид, во Куманово помалку. Тоа е една табела што денеска ќе ја споделиме. Ние ќе продолжиме да го држиме системот со вакцинација активен како што е сега во смисла на тоа сите пунктови да се отворени, граѓаните се пријавуваат без термин, вакцини има доволно“, додаде Филипче.

Филипче повторно укажа дека вакцината штити од посериозни последици и хоспитализација во случај некој да се зарази од коронавирусот.

Пет нови случаи на делта сојот во Скопје, Куманово и Тетово

Филипче повтори дека вакцинацијата не е задолжителна, но здравствените власти размислуваат да воведат одредени ограничувања од септември или октомври.

„Сепак, не можеме сите да страдаме затоа што некој не се вакцинирал. Не можеме да живееме затворени, затоа е и вакцината измислена“, потенцира Филипче.

Тој оценува дека индискиот сој е агресивен и прилично бргу се шири, а искуствата на некои земји покажале дека висок процент од заразените се невакцинирани.

Србија наскоро очекува и по 1000 заразени дневно, се бараат порадикални мерки